فلش ته د شفر (پاسورډ) ورکول!
په فلش کي مهم مالومات لرئ او نه غواړئ چې د ورکېدو په صورت کې د بل چا لاس ته ورشي نو فلش ته مو شفر/ پاسورد ورکړئ،او ځان ډاډمن کړئ. ډېر ساده او اسانه دا کار(فلش ته شفر ورکول) کولای شو،لاندي لارښوونې یو په یو عملي کړئ څو فلش مو شفر لرونکی شي
۱-فلش مو له کمپیوټر سره وصل کړئ.
۲- د پیل (start) مینو کلیک کړئ او په لټون ځای کې bitlocker ولیکئ او بیاbitlocker drive encryption کیلک کړئ.
۳-په وروسته مرحله کې د ټاکلي ډرایو یا فلش پر turn on bitlocker کلیک وکړئ.
۴. خپل پاسورډ ولیکئ او پر next کلیک وکړئ.
۵-اوس تاسو ته دوه اپشنونه یا انتخابونه مخته راځي په لومړي اپشن recovery key سره کولای شئ پاسورډ د یو فایل په ډول ثبت کړئ څو د هیريدو په وخت کې ورڅخه استفاده وکړئ او دوهم اپشن د همدې پاسورد فایل درته چاپوي.(که پرینټر نصب وي)
۷-بیا پر next کلیک وکړئ.
۸-خپل مخکینی پاسورد د تایید لپاره بیا ولیکئ او پر start encrypting کلیک وکړئ.(ځیني کمپیوټرونو کې بیا پاسورد لیکل نه غواړي)
۹-اوس ستاسو فلش پاسورد لرونکی شو،او هدف ته ورسیدلی (ځیني وخت کله چي فلش د data ډک وي نو پاسورډ اخیستل وخت نیسي.)
اوس د دې لپاره چې وګورئ چي ایا فلش مو شفر لرونکی شوی دی او که نه؟ د دې تشویش د رفع کولو لپاره مو فلش د بل کمپیوټر سره وصل کړئ او وګورئ چي فلش مو پاسورډ لرونکی شوی دی،اوس نو فلش ته د ننوتو لپاره همدا پاسورډ کاروئ او د ورکېدو په صورت کي د بل کس د ننوتو څخه ډاډه اوسئ.
له فلش څخه د پاسورډ بیرته لیري کول:
۱-فلش له کمپیوټر سره وصل کړئ
۲-پر start مینو کلیک وکړئ،په لټون ځای کې bitlocker ولیکئ،bitlocker کلیک کړئ او بیا پر bitlocker drive encryption کلیک وکړئ.
۳-اوس پرturn off bitlocker کلیک وکړئ او وروسته decrypt drive کلیک کړئ،تر اخیرني کلیک وروسته مو فلش بلکل له پاسورډه خلاص او د مخکې په ډول شو.
یادونه: پورته د شفر ورکولو کړنلاره یواځي فلش ته د شفر ورکولو لپاره نه بلکي ډرایو،باندیني هارډیسک او نورو ذخیروي الاتو (storage devices) لپاره هم کارولی شو.