نړۍ ننداره خپرونه
فېسبوک به ژر د پاسورډ په ځای له تاسو وغواړي چې د خپل مخ عکس واخلئ یا خپل مخ سکن کړئ او د پاسورډ لیکلو په ځای د مخ په ښکارولو خپله فېسبوکپاڼه پرانیزئ.
د بریتانیا مېل ورځپاڼې په یوه راپور کې لیکلي چې فېسبوک د څېرې د پېژندلو د سیستم ازمېښت پیل کړی دی.
دا سیستم به د هغو کسانو فېسبوکپاڼې هم پرانیزي چې پاسورډونه یې هېر کړي او اوس خپلې پاڼې ته داخلېدای نه شي.
فېسبوک به ستاسو د مخ عکس سکن کړي او ستاسو په اکاونټ کې له موجودو عکسونو او ویدیوګانو سره به یې پرتله کړي، هاله به خپل اکاونټ ته داخل شئ.
د څېرې تشخیص به د پاسورډ بدلولو لپاره د ایمیل، او متن یوه متبادله لار وي.
د دې سیستم د اجرا کېدو په صورت کې باید هر څوک خپل اکاونټ ته د ننوتو لپاره موبایل ټېلفون مخ نه ونیسي څو پاڼه ورته پرانیستل شي.
تر دې وړاندې اپل کمپنۍ په خپل لسم یا ایکس ایفون کې دا نوښت کړی دی.