په افغانستان کي د یونیسف عمومي مسوول فران اکیزا د کندهار له مرستیال والي سره په لیدنه کې ویلي، چې دوی سږ کال څه باندې ۲۳ میلیونه افغانانو ته خدمات وړاندې کړي دي.
د کندهار ولايت د رسنيو له مرکز څخه په خپره شوې خبرپاڼه کې راغلي، چې په افغانستان کې د يونيسف ادارې استازي د دغه سازمان د چارو د ارزوني په موخه کندهار ولايت ته سفر کړى دى.
په دې لیدنه کې د کندهار مرستيال والي د يونيسف له استازي څخه غوښتي، چې له پاکستان څخه د شړل شويو افغانانو مرستې ته لومړيتوب ورکړي.